الشنط القماش غير المنسوجة بقت اختيار أساسي للمحلات والسوبر ماركت والصيدليات والمطاعم ومحلات الملابس، لأنها أقوى من الشنط البلاستيك وبتتطبع عليها لوجو المحل بشكل واضح. عشان كده مصنع الشنط غير المنسوجة من المشروعات اللي ممكن تبدأ بماكينة واحدة وتكبر خطوة بخطوة. في الدليل ده هنمشي معاك على الخطوات العملية من واقع خبرتنا في تركيب أكتر من 75 ماكينة.
1. حدد نوع الشنط اللي هتنتجها
أول قرار هو نوع الشنط، لأنه هو اللي بيحدد الماكينة. أشهر الأنواع في السوق المصري:
- شنط التي شيرت: للسوبر ماركت والمحلات اللي بتستهلك كميات كبيرة.
- شنط الداي كت (اليد المقصوصة): للصيدليات ومحلات الموبايل والهدايا والملابس.
- شنط البوكس: ليها قاعدة عريضة، مناسبة للمطاعم والحلويات والهدايا.
- الشنط المسطحة بيد خارجية (لوب هاندل): للمعارض والدعاية والمحلات الكبيرة.
لو هتبدأ بعملاء من أكتر من نوع، الأفضل تختار ماكينة بتعمل أكتر من شكل، زي ماكينات 3 في 1 أو 4 في 1 أو 5 في 1.
2. اختار الماكينة المناسبة
ماكينات سلسلة ZXL بتنتج من 40 لـ 120 شنطة في الدقيقة حسب الموديل ونوع الشنطة ومقاسها، وماكينة البوكس ZX-LT500 بتنتج من 60 لـ 80 شنطة في الدقيقة. الماكينات كلها أوتوماتيكية بالكامل، وبتحتاج غالبًا مشغلين اتنين في الوردية.
شوف مقارنة الماكينات بالتفصيل في مقال: إزاي تختار ماكينة الشنط المناسبة ←
3. جهّز المكان والكهرباء
- المساحة: ماكينات ZXL طولها من 8 لـ 12 متر تقريبًا وعرضها حوالي 2 متر، وماكينة البوكس ZX-LT500 محتاجة حوالي 11 × 6.9 متر. سيب مساحة إضافية لرولات الخامة والشنط الجاهزة والتغليف.
- الكهرباء: ماكينات ZXL بتشتغل على كهرباء 220 فولت بقدرة من 12 لـ 18 كيلووات. أما ماكينة البوكس ZX-LT500 (50 كيلووات) وماكينات الطباعة فلكسو وسكرين فبتحتاج كهرباء 380 فولت.
- الهوا المضغوط: الماكينات محتاجة كمبروسر هوا، ونقدر نوفرهولك مع الماكينة.
4. الخامات والطباعة
الخامة الأساسية هي رولات القماش غير المنسوج (بولي بروبيلين)، وماكينات ZXL بتشتغل على خامة من 30 لـ 120 جرام للمتر المربع حسب الموديل. لو عملاؤك محتاجين لوجو على الشنطة، هتحتاج ماكينة طباعة فلكسو 2 أو 4 ألوان بعرض طباعة لحد 1160 مم.
اعرف الفرق بين ماكينات الطباعة 2 لون و4 ألوان ←
5. العمالة والتدريب
مع كل ماكينة بنعمل تدريب عملي للمشغلين من 5 لـ 10 أيام حسب نوع الماكينة، وبنسلّم دليل تشغيل بالعربي والإنجليزي، فمش محتاج تكون عندك خبرة سابقة في المجال.
6. التركيب والضمان وقطع الغيار
- التسليم والتركيب في أي مكان في مصر.
- ضبط الماكينة بالكامل وتشغيلها قدامك.
- مجموعة قطع غيار وقوالب مع الماكينة.
- ضمان قطع غيار سنة، ودعم فني بعد البيع.
7. التمويل وطريقة الدفع
الدفع بالجنيه المصري، والسعر شامل التوريد والتركيب والتدريب.
ولأننا وكيل ولسنا تجار، بنقدم كمان خدمة الاستيراد المباشر من المصنع في الصين، عشان تستفيد بالإعفاءات الضريبية اللي بتقدمها الحكومة المصرية للقطاع الصناعي، واللي ممكن توصل لحوالي 20%. السعر بيختلف حسب الموديل والإضافات.
ابدأ باستشارة مجانية
تفضل بزيارتنا في مقر الشركة بمدينة 6 أكتوبر للحصول على استشارة مجانية من أحد خبرائنا، من الأحد للخميس من 9 الصبح لـ 4 العصر.
كلمنا على واتساب واحجز موعد استشارة أو اطلب عرض سعر
تواصل على واتساب